Ջրի համաշխարհային օրվա նախօրեին <<ԷկոԼուր>> մամուլի ակումբի հյուրն էր ՀՀ ԳՆ ջրային տնտեսության պետական կոմիտեի աշխատակազմի ղեկավար Մհեր Մկրտումյանը
20.03.2015
Ջրի համաշխարհային օրվա նախօրեին «ԷկոԼուր» մամուլի ակումբում կայացավ Հայաստանի ջրային ոլորտին և ջրային անվտանգությանը նվիրված մամուլի ասուլիս: Ասուլիսի բանախոսներն էին ՀՀ ԳՆ ջրային տնտեսության պետական կոմիտեի աշխատակազմի ղեկավար Մհեր Մկրտումյանը եւ «ԷկոԼուր» տեղեկատվական ՀԿ-ի նախագահ Ինգա Զարաֆյանը: Մհեր Մկրտումյանը ներկայացրեց համակարգում իրականացվող բարեփոխումները, ջրամատակարարման տևողության ավելացման ու ջրի որակի բարելավման ուղղությամբ տարվող ծրագրերը և բարեփոխումները, համակարգում կորուստների նվազեցման, ոռոգման ենթակառուցվածքների բարելավման և մի շարք այլ աշխատանքներ: Որպես կարևոր ձեռքբերում նշվեց արդեն իրականություն դարձող մեծ ջրամբարաշինական աշխատանքների սկիզբը, ինչպես նաև կոյուղու մաքրման կայանների կառուցումը: Բանախոսները պատասխանեցին նաև լրատվամիջոցների ներկայացուցիչների հարցերին:
« վերադառնալ ցանկ