Ջրային կոմիտեի նախագահ Վահագն Գևորգյանը հանդիպել է Զարգացման ֆրանսիական գործակալության (ԶՖԳ) ներկայացուցիչների հետ
20.04.2023
Ջրային կոմիտեի նախագահ Վահագն Գևորգյանն ապրիլի 19-ին ընդունել է Զարգացման ֆրանսիական գործակալության ներկայացուցիչներին՝ Հարավային Կովկասում ներկայացուցչության տնօրեն Ռաֆայել Ջոզանի գլխավորությամբ:Հանդիպմանը մասնակցում էին նաև Ջրային կոմիտեի գլխավոր քարտուղար Արտակ Ղազարյանը, նախագահի տեղակալ Կարեն Դաղբաշյանը, արտաքին կապերի բաժնի պետ Տիգրանուհի Բաղդասարյանը, ՖԶԳ Հարավային Կովկասում ներկայացուցչության փոխտնօրեն Բերենժեր Կալամանդը և ՖԶԳ հայաստանյան ծրագրի պատասխանատու Լիզ Էնեզյանը:
Հանդիպման ընթացքում քննարկվել են նաև Ֆրանսիական զարգացման գործակալության կողմից ֆինանսավորվող «Վեդու ջրամբարի և ոռոգման համակարգի կառուցման» և «Ոռոգվող գյուղատնտեսության զարգացումը ՀՀ Արարատի և Արմավիրի մարզերում» (ՈԳԶԱԱՄ) ծրագրերի ընթացքն ու համագործակցության հեռանկարները, ինչպես նաև կարևորել դրանց հաջող իրականացման ապահովումը շահագրգիռ բոլոր կողմերի մասնակցությամբ։
« վերադառնալ ցանկ