Ջրային կոմիտեի նախագահ Վահագն Գևորգյանն այցելել է «Արփա-Սևան» ջրատար
04.03.2022
Ջրային կոմիտեի նախագահ Վահագն Գևորգյանը կոմիտեի աշխատակիցների, «Ջրառ» ՓԲԸ-ի և «Եղեգնաձոր» ՋՕԸ-ի տնօրենների, ինչպես նաև «Որոտան-Արփա-Սևան» հավատարմագրային կառավարիչ «Արփա-Սևան» ԲԲԸ-ի տնօրենի ուղեկցությամբ աշխատանքային այց է կատարել ՀՀ Վայոց Ձորի մարզ, որտեղ տեղում ծանոթացել է «Արփա-Սևան» հիդրոտեխնիկական համալիրի ներկա իրավիճակին:Վահագն Գևորգյանի գլխավորությամբ աշխատանքային խումբն այցելել է Կեչուտի ջրամբար, որտեղ կառույցի պատասխանատուները Նախագահին մանրամասն ներկայացրել են ջրամբարի տեխնիկատնտեսական նկարագիրը, տեղեկություններ տրամադրել այս պահին ջրամբարում ամբարված ջրի ծավալների վերաբերյալ։ Ոլորտի ներկայացուցիչները Նախագահին հավաստիացրել են, որ ջրամբարը բերված է մեկնարկային վիճակի և առաջիկա ամիսներին դեպի Սևանա լիճ ջրբացթողումը կիրականացվի անխափան ու արդյունավետ:
Այցելություն է կատարվել նաև Եղեգիսի տեղամաս, ինչպես նաև Վահագն Գևորգյանը ծանոթացել է «Արփա-Սևան» ջրատարի փականային և ջրաչափական հանգույցների վերազինման ու արդիականացման աշխատանքներին:
Այցելության ավարտին Ջրային կոմիտեի նախագահի կողմից տրվել են հանձնարարականներ «Արփա-Սևան» ջրատարի անվտանգ շահագործման և 2022թ-ին Սևանա լիճ առավելագույն ջուր տեղափոխելու գործընթացը պատշաճ կերպով կազմակեպելու համար:
« վերադառնալ ցանկ