ՀՀ ՏԿԵՆ Ջրային կոմիտեում տեղի է ունեցել հանդիպում-քննարկում՝ ՀՀ էկոնոմիկայի նախարարի տեղակալ Ավագ Ավանեսյանի և Ջրային կոմիտեի նախագահ Կարեն Սարգսյանի գլխավորությամբ

Տեղի ունեցած հանդիպում-քննարկման ընթացքում ներկայացվել է ՀՀ էկոնոմիկայի նախարարության կողմից հանրային ներդրումային ծրագրերի կառավարման համակարգի ներդրման շրջանակում Համաշխարհային բանկի փորձագետների հետ համատեղ մշակված «Ներդրումային նախագծի հայեցակարգի և որակի գնահատման օրինակելի ձևը»։

Քննարկման ժամանակ ներկայացվել է նախագծի նկարագիրը, նախագծից բխող օրինակելի ձևը, շահագրգիռ գերատեսչության իրավասությունների շրջանակը և այլ հարցեր։

Մշակված ծրագրի նպատակն է հնարավորինս համակարգել ներդրումային ծրագրերի վերաբերյալ հարցերը և որոշումների կայացման համար ստեղծել հիմնարար բազա, քանի որ կան բազմաթիվ ներդրումային կարիքներ ու պետք է մեկտեղված ունենալ առկա բոլոր խնդիրները՝ երկարաժամկետ գործընթացի պլանավորումը ճիշտ կազմակերպելու համար։

Հանրային ներդրումների քաղաքականության վարչության անդամների հետ նմանօրինակ հանդիպումները Ջրային կոմիտեում կլինեն շարունակական՝ մշակվող համակարգի էֆեկտիվությունն ապահովելու համար։