Տեղեկատվություն «Արարատ» ՋՕԸ-ի կողմից սպասարկվող տարածքներում գարնան նախապատրաստական աշխատանքների վերաբերյալ

«Արարատ» ՋՕԸ-ն սպասարկում է Արարատի մարզի Լուսառատ, Եղեգնավան, Նոյակերտ, Ոսկետափ, Այգավան, Ավշար, Արարատ, Սուրենավան, Արմաշ, Երասխ, Պարույր Սևակ, Վարդաշատ, Զանգակատուն համայնքների ջրօգտագործող հողագործներին և ոռոգման շրջանը պատշաճ կազմակերպելու նպատակով՝ փետրվար ամսից սկսել է համակարգերի նորոգման ու մաքրման աշխատանքները։

Ընդհանուր առմամբ իրականացվել են.

1. Ոռոգման ցանցի մեքենամեխանիզմով մաքրում՝ 264.8կմ
2. Ոռոգման ցանցի ձեռքով մաքրում՝ 90կմ
3. Ոռոգման ցանցի նորոգում՝ 57կմ
4.ՀՏԿ-ների/հիդրոտեխնիկական կառուցվածքներ/ և ջրաչափական դիտակետերի նորոգում՝ 30 հատ
5. Խորքային պոմպերի նորոգում՝ 38 հատ

«Արարատ» ՋՕԸ-ի կողմից շահագործվող «Խոր-Վիրապ», «Նոյակերտ-1», «Նոյակերտ-2», «Արարատ հորիզոնական», «Ձախ-ճյուղ», «Արմաշ» պոմպակայաններում կատարվել են հիմնական և ընթացիկ նորոգման աշխատանքներ, իսկ «Արազափ-1» և «Ավշար-Այգավան» պոմպակայաններում տեղադրվել են մեկական նոր պոմպեր։

Վերանորոգման աշխատանքներ են կատարվել նաև 35 խորքային հորերի պոմպերի, էլեկտրական ենթակայանների և ուժային տրանսֆորմատորների վրա։

Վերը նշված բոլոր տեղամասերում կատարվել են ոռոգման միջտնտեսային և ներտնտեսային ջրատարների մաքրման աշխատանքներ, փոխվել են քայքայված երկաթբետոնյա կիսախողովակները և վթարված մետաղական խողովակները, վերանորոգվել են վաքերի կցատեղերի քայքայված բետոնները։

Նորոգվել և/կամ տեղադրվել են ընդհանուր թվով 37 հարթ մետաղական և չուգունյա փականներ, 2 օդահեռներ (վանդուզներ)։

Ներկայումս ընթանում են ջրատարների առափի, շեպերի և հատակի սրսկման աշխատանքներ՝ խոտերի ու թփերի չորացման նպատակով։

Նորոգման ու մաքրման աշխատանքներն ավարտվել են և արդեն իսկ 2020թ.-ի մարտի 15-ից սկսվել է ոռոգման ջրի մատակարարումը ջրօգտագործողներին։