Մոզամբիկը կարևորում է Հայաստանի փորձը՝ ոռոգման համակարգի արդյունավետ աշխատանքի կազմակերպման գործում
25.07.2016
Հուլիս 26-ին ՀՀ ԳՆ ջրային տնտեսության պետական կոմիտեի նախագահ Արամ Հարությունյանն ընդունեց Մոզամբիկի Հանրապետությունից ժամանած պատվիրակության անդամներին:
Պատվիրակությունը ղեկավարում էր Մոզամբիկի Ազգային ոռոգման ինստիտուտի գլխավոր տնօրեն Պաիյա Մունգուամբեն:
Այցի նպատակը Մոզամբիկում ոռոգման կայուն համակարգի զարգացման, տնտեսապես արդյունավետ նախագծերի նախապատրաստման, տնտեսապես արդյունավետ շինարարական մեթոդների ներդրման համար հայկական փորձի ուսումնասիրությունն էր:
Հյուրերի խնդրանքով Ա. Հարությունյանը մանրամասներ ներկայացրեց Հայաստանում ոռոգման համակարգի կառուցվածքը, իրականացվող նախագծերն ու ոլորտի հիմնական առաջնահերթությունները:
Մոզամբիկի պատվիրակության ղեկավարը ներկայացրեց այդ երկրում ոռոգման և գյուղատնտեսական ոլորտի հիմնախնդիրներն ու հեռանկարները, ինչպես նաև՝ կարևորեց Հայաստանի հարուստ փորձը՝ ոլորտի արդյունավետ աշխատանքը կազմակերպեու հարցում:
Պատվիրակության ներկայացուցիչները փաստեցին, որ երկու երկրներում ոլորտային բազմաթիվ տարբերություններ կան, սակայն Հայաստանի նորարարական մոտեցումների ուսումնասիրությունը շատ օգտակար կարող է լինել Մոզամբիկում ոռոգման ոլորտի զարգացումը ապահովող գերատեսչության ստեղծման և աշխատանքի համար:
Հայկական կողմից հանդիպմանը մասնակցում էր նաև «Ջրային տնտեսության ծրագրերի իրականացման գրասենյակ» ՊՀ տնօրեն Ֆելիքս Մելիքյանը, ով ևս պատրաստակամություն հայտնեց հնարավորինս աջակցել արտասահմանցի գործընկերներին՝ ՀՀ ոռոգման ոլորտի վերաբերյալ համապարփակ տեղեկություններ տրամադրելով:
« վերադառնալ ցանկ