Հետևեք ձեր դիմումի
Ինչպե՞ս եք գնահատում ջրամատակարարման որակը Հայաստանում:
13 ջրանցքների ընդհանուր երկարությունը 96 կմ է, սպասարկման տարածքը՝ 8536.5 հա: «Ոռոգման համակարգերի բարելավման ծրագրի» շրջանակներում որոշվել է վերականգնել ջրանցքների առավել խնդրահարույց հատվածները, որոնց ընդհանուր երկարությունը կազմել է 57.26 կմ: Արդյունքում՝ կխնայվի տարեկան 23.577 մլն. մ³ ջուր և 315 հա-ով կընդլայնվեն ոռոգվող հողատարածքները:
Պայքար ջրի կորստի դեմ: Ապարանի ջրամբարում բուռն աշխատանքներ են: Ոչ մի գրամ ջուր իզուր չի հոսի: «Հրապարակում» հեռուստածրագրի անդրադարձը:
Անդրադառնալով լրատվամիջոցներում հայտնված այն տեղեկություններին, թե Ախուրյանի ջրամբարի «անարդյունավետ կառավարման հետևանքով աղետալի իրավիճակ է ստեղծվել» և «տոննաներով ձուկ է սատկել», Ջրային տնտեսության պետական կոմիտեն հարկ է համարում որոշ ճշտումներ անել:
«Տարին սակավաջուր էր, խնդիրներ ունենք գրեթե բոլոր մարզերում: Շատ տեղերում երաշտային է: Աննախադեպ շոգի ու ջրամբարների թերլցվածության պայմաններում աշխատանքը կրկնակի բարդանում է, այդ իսկ պատճառով ստիպված էինք անցնել ջրաշրջանառության ռեժիմի»,- ասել է Ա. Հարությունյանը:
Ոռոգման սեզոնին զուգահեռ Ջրային տնտեսության պետական կոմիտեն ձեռնարկել է նաև սելավատարերի մաքրման աշխատանքներ: Ապարանի ջրամբարը սնուցող սելավատարում, որը նախորդ տարվա ընթացքում գրեթե ամբողջությամբ լցվել էր ցեխով և քարերով, սկսվել են մաքրման աշխատանքները:
Կողմերը մանրամասնորեն քննարկել են ոռոգման ջրի մատակարարման ներկա վիճակը, ՋՕԸ-երում իրականացվող բարեփոխումների ընթացքն ու զարգացման հեռանկարը:
Ախուրյանի ջրամբարից սնվող Թալինի մայր ջրանցքը, որը ոռոգում է Արագածոտնի և Արմավիրի մարզերը, ամբողջությամբ մաքրվել է և պատրաստ է շահագործման: Անցյալ շաբաթ տեղացած ուժեղ կարկուտի հետևանքով ջրանցքը բերնեբերան լցվել էր սելավաջրերով և ցեխով, ինչի հետևանքով անհնար էր դարձել ջրի մատակարարումը:
Ջրային տնտեսության պետական կոմիտեի նախագահ Արսեն Հարությունյանն ընդունել է Համաշխարհային բանկի տեսչական խմբի անդամներին: Պատվիրակության ղեկավար Յան Մեթսոնը ներկայացրել է, որ Հայաստանում են՝ ուսումնասիրելու ՀԲ-ի աջակցությամբ իրականացվող Հայաստանի ոռոգման համակարգերի բարելավման ծրագրի ընթացքը:
«KfW բանկը մեծապես գնահատում է Ջրային տնտեսության պետական կոմիտեի հետ համագործակցությունը՝ երկու կողմերի համար կարևորագույն նշանակություն ունեցող նախագծերի շրջանակներում: Ուզում եմ հատուկ նշել, որ Կոմիտեի հետ մեր համագործակցությունը մշտապես եղել է բաց երկխոսության ձևաչափում: Հենց այդ պատճառով էլ այն այսքան արդյունավետ է»,- այս մասին ՋՏՊԿ-ում տեղի ունեցած հանդիպման ժամանակ հայտարարել է KfW գերմանական բանկի նորանշանակ տարածաշրջանային տնօրեն Օլաֆ Զիմելկան:
«Ես հակված եմ այն մոտեցմանը, որ խնդիրների վերաբերյալ լիարժեք պատկերացում կազմելու համար պետք է դրանք տեսնել հենց տեղերում: Այդ պատճառով էլ առաջիկա շաբաթների ընթացքում մեր մարզային այցելությունները կշարունակենք: Որոշեցինք մեր այցերի մասին նախապես տեղյակ չպահել, որպեսզի ականատես լինենք տիրող իրավիճակի, այսպես ասած, «չսրբագրված» տարբերակին»,- ասում է ՋՏՊԿ նախագահ Արսեն Հարությունյանը: