Հայտարարություններ
Հայաստանի Հանրապետության գյուղատնտեսության նախարարության ջրային տնտեսության պետական կոմիտեի կողմից ՀՀԳՆՋՏՊԿ-ՄԵԾՁԲ-N 15/1 ծածկագրով մրցակցային երկխոսության ընթացակարգի նախաորակավորման հայտարարության վերաբերյալ պարզաբանում
Հարց. Մայր ընկերությունը, որը չպետք է մասնակցի մրցույթին, իրականացնելու է որակավորման պահանջների մի մասը, մինչդեռ իր 100% դուստր ընկերությունը, որը պետք է մասնակցի մրցույթին, իրականացնելու է որակավորման պահանջների մյուս մասը:
Այս պայմաններում մայր ընկերության տեղեկանքները համարվու՞մ են վավեր որակավորման բոլոր պահանջների համապատասխանությունն ավարտելու համար:
Պատասխան. Եթե որպես հայտատու է հանդես գալիս մայր ընկերությունը, ապա նրա ներկայացրած տեղեկանքները համարվում են վավեր՝ որակավորման համապատասխանության առումով: Դուստր ընկերությունը չի կարող ներկայացնել տեղեկանքներ մայր ընկերության իրականացրած գործունեության վերաբերյալ, եթե մայր ընկերությունը հանդես չի գալիս որպես հայտատու կամ համատեղ գործունեության կարգով (կոնսորցիումով):
Հարց. Արդյո՞ք մասնակիցը պետք է տրամադրի օժանդակ փաստաթղթեր յուրաքանչյուր կետի համար` ի լրումն 2.1 կետի հայտարարության, որպեսզի ապացուցի, որ ինքն իրավասու է հայտերի ներկայացման ընթացակարգին մասնակցելու համար, թե հայտարարությունն ինքնին բավարար է այս փուլի համար:
Պատասխան՝ Այս փուլում մասնակիցը պետք է ներկայացնի միայն հայտարարություն:
Հարց. Համատեղ գործունեությունն ընդդեմ կոնսորցիումի. Նախաորակավորման փաստաթղթում կետ 6-ում անգլերեն տարբերակում նշված է, որ հայտը պետք է ներառի նաև Համատեղ գործունեության պայմանագիր: Նախաորակավորման հայերեն տարբերակում մենք թարգմանում ենք, որ պահանջվում է Կոնսորցիումի համաձայնագիր: Խնդրում ենք հստակեցնել:
Պատասխան. ՀՀԳՆՋՏՊԿ-ՄԵԾՁԲ-N15/1 ծածկագրով մրցակցային երկխոսության ընթացակարգի նախաորակավորման հայտարարությունում նախապատվությունը տրված է հայերեն տարբերակին, ուստի նախապատվությունը պետք է տրվի հայերեն տարբերակին:
Հարց. Ի՞նչն է ընդունվելու որպես ընդհանուր ներդրումային ծախս` ընկերության ընդհանուր ծախսերը, թե միայն ծախսերի այն մասը, որն ուղղվել է ջրային համակարգի վերանորոգման և վերականգնման (ոչ ընթացիկ սպասարկում) կապիտալ աշխատանքների իրականացմանը:
Պատասխան. Ընկերության Ծրագրերի ծախսերի այն մասը, որն ուղղվել է ջրային համակարգերի վերանորոգման և վերականգնման աշխատանքների իրականացմանը:
Հարց. Ընդհանուր ներդրումային ծախսերն արդյոք ներառում են պետության կողմից տրված սուբսիդիաները, ներգրավված վարկային և դրամաշնորհային միջոցները, թե այն իրենից ներկայացնում է միայն ընկերության սեփական միջոցներով կատարված ծախսերը:
Պատասխան. Այո, ներառում են:
ՀՀ ԳՆ ջրային տնտեսության պետական կոմիտեի կողմից ՀՀԳՆՋՏՊԿ-ՄԵԾՁԲ-N 15/1 ծածկագրով մրցակցային երկխոսության ընթացակարգի նախաորակավորման հայտարարության վերաբերյալ պարզաբանում
Պարզաբանում No. 3-ի հարցման վերաբերյալ
****մեջբերում****
«Անհատապես (ներառյալ՝ որպես կոնսորցիումի անդամ) կամ իր մասնաճյուղի կամ ընկերության կողմից 50 տոկոս կամ ավելի մասնակցությամբ (ներառյալ՝ որպես կոնսորցիումի անդամ) պետք է 15 տարիների ընթացքում իրականացրած լինեն ջրային համակարգի վերակառուցում և վերանորոգում առնվազն երեք ծրագրերի համար, որոնցից յուրաքանչյուրն արժի առնվազն 5 միլիոն ԱՄՆ դոլարի չափ գումար՝ նախքան սույն հայտարարության հրապարակումը»:
****հստակեցում****
Հարց՝ կարո՞ղ ենք ենթադրել, որ «5 միլիոն ԱՄՆ դոլարի չափ գումարը» վերաբերում է ծրագրերի ընդհանուր ներդրումային ծախսերին (իրականացրած աշխատանքներ), այլ ոչ թե խորհրդատվական վճարներին: Խնդրում ենք հստակեցնել:
Պատասխան՝
Ձեր ենթադրությունը ճիշտ է, խոսքը վերաբերում է յուրաքանչյուր ծրագրի ընդհանուր ներդրումային ծախսերին: